UNFC ကိုယ်စားလှယ်များ နိုင်ငံခြားရေးဌာနနှင့် လွတ်တော်ရုံးသို့ သွားရောက်တွေ့ဆုံ
၂၀၁၂ ဧပြီလ ၂၆ ရက်။
ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ UNFC ကိုယ်စားလှယ်
အဖွဲ့သည် ယနေ့ မွန်းလွဲပိုင်းတွင် ဂျပန်နိုင်ငံခြားရေး ၀န်ကြီးဌာနနှင့်
ဂျပန်လွတ်တော် အမတ်များတိ်ု့ကို သွားရောက်တွေ့ဆုံခဲ့ကြပါသည်။
ဂျပန်အစိုးရမှ မြန်မာနိုင်ငံသို့ ODA အကူအညီပေးရာတွင် နှစ်ပေါင်း ၆၀
ကျော်ကြာ ပြည်တွင်းစစ် ဒဏ်ကြောင့် စစ်ဘေးဒဏ်ခံခဲ့ကြရသည့် တိုင်းရင်းသား
လူမျိုးများ နေထိုင်ရာ ဒေသများ၌ လူသားခြင်း စာနာသည့် အကူညီအဖြစ် ပညာရေး
ကျမ္မာရေး စိုက်ပျိုးရေး အကူအညီများတို့ကို အစိုးရများမှတဆင့် မဟုတ်ပဲ NGO
များ ပြည်သူမှ ပြည်သူထံတို့ ကူညီပေးဖို့ ဆွေးနွေးခဲ့ကြပါသည်။
ဂျပန်အစိုးရမှ မြန်မာအစိုးရအား ပေးအပ်သည့် ODA အကူအညီကို အခြေခံပြီး
စစ်မှန်သည့် အပြောင်းအလဲ ဖြစ်အောင် တိုက်းတွန်းပေးဖို့နဲ့
ပြည်တွင်းငြိမ်းချမ်းရေး ရရှိရန်အတွက် ဂျပန်အစိုးရမှ ငြိမ်းချမ်းရေး
အကျိုးဆောင်အဖြစ် ကြားဝင် ဆောင်ရွက်ပေးဖို့ကိုလည်း တိုက်တွန်း
ပြောဆိုသွားခဲ့ကြကြောင်း သိရှိရပါသည်။
သတင်းမှတ်တမ်း ။ Mai Kyaw Oo
No comments:
Post a Comment