အသနား​ခံစာပယ်ချသည့်​ စာအ​ပေါ် ​ရွှေညဝါဆရာ​တော် အံ့​ဩ

အသနား​ခံစာပယ်ချသည့်​ စာအ​ပေါ် ​ရွှေညဝါဆရာ​တော် အံ့​ဩ

ရွှေညဝါဆရာတော် ဦးပညာသီဟ

January 16, 2012

သာဓု​ကျောင်း​တိုက်မှာ ဆက်လက် သီတင်း​သုံး​ခွင့်​နဲ့​ သာသနာပြု လုပ်ငန်း​တွေ ဆက်လက် လုပ်ကိုင်ခွင့်​ပြုဖို့​ အသနား​ခံစာကို ပယ်ချလိုက်တာနဲ့​ ပတ်သက်ပြီး​ ခုလို အချိန်မျိုး​မှာ မဖြစ်သင့်​ဘူး​လို့​ ​ရွှေညဝါဆရာ​တော် ဦး​ပညာသီဟက မိန့်​ကြား​ပါတယ်။

ဆရာ​တော်ရဲ့​ အသနား​ခံစာကို ရန်ကုန်တိုင်း​ သံဃာ့​မဟာနာယကအဖွဲ့​က ၂ဝ၁၂ ဇန်နဝါရီ ၁၃ ရက်​နေ့​က အ​ကြောင်း​ ပြန်ခဲ့​တဲ့​ထဲမှာ “သာဓု​ကျောင်း​တိုက် (​ရွှေညဝါ ဆရာ​တော်) မှ တင်ပြလာခြင်း​နှင့်​ စပ်လျဉ်း​၍ ဆဋ္ဌအကြိမ် နိုင်ငံ​တော် သံဃာမဟာနာယကအဖွဲ့​ ၄၇ ပါး​စုံညီ ပန္နရသမ အစည်း​အ​ဝေး​ ဆုံး​ဖြတ်ချက်ပါ အတိုင်း​သာ ​ဆောင်ရွက်​ရေး​ ညွှန်ကြား​ရန်” လို့​ ​ဖော်ပြပါရှိခဲ့​ပါတယ်။

ဒီကိစ္စနဲ့​ပတ်သက်ပြီး​ အံ့​ဩမိတဲ့​အ​ကြောင်း​ ဆရာ​တော်က အခုလို မိန့်​ကြား​ပါတယ်။

“သမ္မတကြီး​ ဦး​သိန်း​စိန်တို့​ သူရဦး​ရွှေမန်း​တို့​ ဒကာကြီး​တွေက ​ရှေ့​သို့​ဆိုပြီး​တော့​ ဒီမိုက​ရေစီ ​ရောင်ခြည်​တွေကို သူတို့​ကိုယ်တိုင်လည်း​ ထွန်း​ညှိပြီး​တော့​ ​ရှေ့​သို့​ဆိုပြီး​ လက်တွဲညီညာစွာနဲ့​ တိုင်း​ရင်း​သား​ပြည်သူ​တွေ အား​လုံး​ဝိ်ုင်း​ဝန်း​ပြီး​ ပူး​ပေါင်း​ဆောင်ရွက် ​လျှောက်လှမ်း​ကြပါစို့​လို့​ ​ပြော​နေတဲ့​ အချိန်အခါမျိုး​မှာ ဒါမျိုး​က မဖြစ်သင့်​တဲ့​ ကိစ္စကြီး​။ အန်အယ်လ်ဒီနဲ့​ သံဃာ​တော်​တွေနဲ့​ကို ဘယ်လို ဖြစ်​စေချင်တယ်ဆိုတာ စိတ်​စေတနာ ဆိုး​သလား​ ​ကောင်း​သလား​ဆိုတာ ထင်ရှား​နေပြီ​လေ။ ကျုပ်တို့​က လွတ်လပ်စွာ အထိုက်အ​လျောက်​တော့​ ​ပြောဆိုပိုင်ခွင့်​ ရှိလာပြီလို့​ထင်လို့​ ဒါ​လေး​တွေက သိပ်ကြီး​မား​တဲ့​ အပြစ်မဟုတ်ဘူး​ဆိုပြီး​ ​ပြောမိတာပါ။ ဒါကိုအပြစ်လို့​ ​ပြောလို့​လည်း​ ကျုပ်အသနား​ခံစာထဲမှာ ဘာမှ​စောဒက မတက်ပါဘူး​။ တပည့်​တော် ​ကျောင်း​တိုက်မှာ တပည့်​တော် ပြန်လည်​ နေထိုင်ခွင့်​နှင့်​ သာသနာပြု အခွင့်​အလမ်း​များ​ကို ​ပေး​သနာ​တော်မူပါ။ ဒါ​လေး​ပဲ ​လျှောက်ထား​ပြီး​တော့​ အသနား​ခံစာ တင်ပြတာကို ပယ်ချတယ်လို့​ဆို​တော့​ အဲဒီမှာ အံ့​ဩစရာကြီး​ ဖြစ်​နေတယ်။”

အ​ကြောင်း​ကြား​စာကို ဆရာ​တော် ထိုင်း​နိုင်ငံက ပြန်မယ့်​ ဇန်နဝါရီလ ၁၃ ရက်​နေ့​မှာ ​ပေး​ပို့​ခဲ့​တာဖြစ်ပြီး​ စာထုတ်တဲ့​ ရက်စွဲက ဇန်နဝါရီ ၃ ရက် ဖြစ်တာမို့​ ဒီအချက်​ပေါ်လည်း​ သံသယ ဖြစ်မိတဲ့​အ​ကြောင်း​ မိန့်​ပါတယ်။

“ကျုပ်ကို ဒီလို နှိပ်ကွပ်တဲ့​ စာမျိုး​ကို နိုင်ငံ​ရေး​အကျဉ်း​သား​တွေ လွှတ်တဲ့​နောက်က​နေ မျှောထုတ်လိုက်တာက ဒါကလည်း​ မရိုး​သား​ဘူး​လို့​ ထင်တာပဲ​လေ။ ခုထိ​တော့​ ကျုပ်လည်း​ စိတ်​ကောင်း​နှလုံး​ကောင်း​ နား​လည်မှုကြီး​ကြီး​နဲ့​ ထား​နေဆဲပါပဲ။ နိုင်ငံ​ရေး​အကျဉ်း​သား​တွေ လွှတ်တဲ့​ကိစ္စက ပြည်တွင်း​ပြည်ပမှာ ​တော်​တော် လှုပ်ခတ်ပြီး​တော့​ ကြည်နူး​ဝမ်း​သာပြီး​ သမ္မတကြီး​ ဦး​သိန်း​စိန်တို့​ အစိုး​ရအ​ပေါ်မှာ အား​လုံး​က နား​လည်မှု​တွေ ​တော်​တော်​လေး​ ​ကောင်း​တဲ့​ဘက်ကို ​ရွေ့​လျား​လာပြီး​တော့​ ​တော်​တော်​လေး​ ​ကျေး​ဇူး​တင်တဲ့​စကား​တွေ ​ပြောပြီး​ ဝမ်း​မြောက်​ နေကြတဲ့​အချိန်​လေ။”

ဆရာ​တော်အ​နေနဲ့​ နိုင်ငံ​တော်သံဃာ့​မဟာနာယက ဆရာ​တော်ကြီး​တွေကို အကြည်ညိုမပျက်ရှိ​နေပြီး​ အခု ကိစ္စဟာ ​နောက်ကွယ်မှာ အရိပ်မည်း​တခု ရှိ​နေတယ်လို့​လည်း​ မိန့်​ပါတယ်။

ဆရာ​တော် ထိုင်း​နိုင်ငံကို မထွက်ခွာမီ နိုင်ငံ​တော် သံဃာ့​မဟာနာယက ဆရာ​တော်​တွေထံ ချဉ်း​ကပ်ပြီး​ စုံစမ်း​ ခဲ့​စဉ်အခါက လာမယ့်​ မတ်လထဲ ကျင်း​ပမယ့်​ ၄၇ ပါး​ စုံညီ စည်း​ဝေး​ကျမှ စဉ်စား​ဆုံး​ဖြတ်​တော်မူမယ်လို့​ သိခဲ့​ရပြီး​ အခု​တော့​ စာထွက်လာတာပါ။

ပြီး​ခဲ့​တဲ့​ ၂၀၁၁ ခုနှစ် စက်တင်ဘာလအတွင်း​ မန္တ​လေး​မြို့​က အမျိုး​သား​ဒီမိုက​ရေစီ အဖွဲ့​ချုပ်ရုံး​မှာ တရား​ဟောလို့​ ဆိုပြီး​ ​ရွှေညဝါဆရာ​တော်ကို သာဓု​ကျောင်း​တိုက်က ဖယ်ရှား​ဖို့​၊​ ​ကျောင်း​တိုက်တွင်း​ ဘယ်လို သင်တန်း​မျိုး​မှ မပြုလုပ်ဖို့​ နိုင်ငံ​တော် သံဃာ့​မဟာနာယကအဖွဲ့​က ဒီဇင်ဘာလထဲမှာ အ​ကြောင်း​ကြား​စာ ​ပေး​ပို့​ခဲ့​တာ ဖြစ်ပါတယ်။

သတင်းရင်းမြစ် -  ဒီဗွီဘီ