knujapan

ထိုးစစ် ရှိနေသရွှေ့ အပစ်အခတ် ရပ်စဲရေး မရနိုင်

Friday, 28 September 2012 16:04

Written by ရွှေဟင်္သာသတင်းဌာန

အစိုးရ တပ်မတော် အနေဖြင့် တိုင်းရင်းသား အဖွဲ့ အစည်းများ အပေါ် ထိုးစစ်ဆင် နေမှုများ  မရပ်စဲသမျှ ကာလ ပတ်လုံး အပစ် အခတ် ရပ်စဲရေး ဆိုမှာလည်း  ဖြစ်လာနိုင်မည် မဟုတ်ကြောင်း လောလောဆယ် အမေရိကန် ပြည်ထောင်စုကို ရောက်ရှိနေသော ညီညွတ်သော တိုင်းရင်းသား လူမျိုးများ ဖယ်ဒရယ်ကောင်စီ (UNFC) နှင့် ပြည်ထောင်စု မြန်မာနိုင်ငံ အမျိုးသား ကောင်စီ (NCUB) အဖွဲ့ ကိုယ်စားလှယ်များက ယမန်နေ့က ထုတ်ပြန် ပြောဆို ခဲ့ပါသည်။

စစ်ဆင်မှုများ ဆက်လက် ရှိနေပါက အေးချမ်း တည်ငြိမ်ရေးနှင့် အမျိုးသား ပြန်လည် သင့်မြတ်ရေးလည်း ဖြစ်လာရန် မလွယ်ကူကြောင်း၊ တိုင်းရင်းသားများ အနေဖြင့် ဤကိစ္စအတွင် အစိုးရ တာဝန် ရှိသူများနှင့် တွေ့ဆုံ ဆွေးနွေးရန် အမြဲ အဆင်သင့်ရှိ နေသော်လည်း နိုင်ငံတကာ၏ ပါဝင် ဆောင်ရွက်မှု အထောက် အကူများ လိုအပ်ကြောင်း ပြောပါသည်။

ညီညွတ်သော တိုင်းရင်းသား လူမျိုးများ ဖယ်ဒရယ် ကောင်စီ (UNFC) နှင့် ပြည်ထောင်စု မြန်မာနိုင်ငံ အမျိုးသား ကောင်စီ (NCUB) အဖွဲ့ ကိုယ်စားလှယ် များသည် မြန်မာ နိုင်ငံ၏ လက်ရှိ ငြိမ်းချမ်းရေး ဖော်ဆောင်မှု အခြေအနေနှင့် ပတ်သက်ပြီး ကုလ သမဂ္ဂ အထွေထွေ ညီလာခံသို့ တက်ရောက် နေသော နိုင်ငံတကာ ကိုယ်စားလှယ်များအား ရှင်းလင်း တင်ပြနိုင်ရန် အမေရိကန် ပြည်ထောင်စုရှိ နယူးယောက်မြို့ ကုလ သမဂ္ဂ ရုံးကို ရောက်ရှိနေခြင်း ဖြစ်ပါသည်။

http://phophtaw.org/burmese/index.php/statement-pressrelease/statement/2162-2012-09-28-08-15-49.html

ဤအဖွဲ့ကို NCUB ဥက္ကဋ္ဌလည်း ဖြစ်ပြီး UNFC ဒုဥက္ကဋ္ဌ လည်းဖြစ်သည့် ပဒို စောဒေးဗစ်တာကပေါ ဦးဆောင်သည့် အဖွဲ့သည် နယူးယောက်၌ ကျင်းပနေသော  ကုလ သမဂ္ဂ ညီလာခံ ကိုယ်စားလှယ်များနှင့် အမေရိကန် အစိုးရ အရာရှိများအား တွေ့ဆုံ ကြရန် ရှိသည်ဟု ဆိုပါသည်။

UNFC သည် အစိုးရနှင့် လိပ်ခဲ တင်းလင်း ဖြစ်နေသော အပစ်အခတ် ရပ်စဲရေး ကိစ္စနှင့် ပြည်တွင်း ငြိမ်းချမ်းရေး ကိစ္စ၏ အခြေ အနေမှန်များကို နိုင်ငံတကာသို့ တင်ပြလိုခြင်း ဖြစ်ပါသည်။

အစိုးရ၏ ပြည်ထောင်စု အဆင့် ငြိမ်းချမ်းရေး ဖေါ်ဆောင်မှု လုပ်ငန်း ကော်မီတီ အဖွဲ့ ဒုဥက္ကဌလည်းဖြစ် အမျိုးသား လုံခြုံရေး ဌာန ၀န်ကြီး ဦးအောင်မင်းသည်၊ မြန်မာနိုင်ငံတွင် ကချင်ပြည် လွတ်လပ်ရေး အဖွဲ့မှ တပါး အခြား တိုင်းရင်းသား အဖွဲ့များနှင့် အပစ်အခတ် ရပ်စဲရေး ရရှိနေပြီး ဖြစ်သဖြင့် ငြိမ်းချမ်းနေပြီး ဖြစ်ကြောင်းကို အမေရိကန် ပြည်ထောင်စု ရောက်နေခိုက် ပြည်ပ မီဒီယာများနှင့် ပြောကြား နေခဲ့ပါသည်။

တပ်ချုပ်ကြီး ဗထူး စခန်းသို့ သွားရောက်စဉ်

ဤသို့ကြောင့် UNFC သည် အမေရိကန် ကွန်ဂရက် အမတ်များ၏ အကူအညီဖြင့် ကုလ သမဂ္ဂ ကိုယ်စားလှယ်များ သိလို သော မေးခွန်းများနှင့် အခြေအနေမှန်များကို ဖြေကြားနိုင်ရန် ဤခရီးစဉ်ကို စတင် လိုက်ခြင်း ဖြစ်ပါသည်။

အစိုးရသည် ဤနည်းဖြင့် နိုင်ငံတကာကို တဖက်သတ် ပြောကြား လာခဲ့သည်မှာ အစိုးရ ခေတ်အဆက်ဆက်ပင် ဖြစ်ပါသည်။ ဤနည်းဖြင့် နိုင်ငံတကာ မိသားစု များကလည်း မြန်မာနိုင်ငံ၏ အခြေအနေကို တဖက်သတ်သာ သိထား ခဲ့ပါသည်။ သို့သော် ယနေ့ အခြေအနေ၌ တိုင်းရင်းသားများ ဖက်မှလည်း ပြောခွင့် ရရန် လိုအပ် နေသဖြင့် အမေရိကန် ဖက်မှ ဖန်တီး ပေးလိုက်ခြင်း ဖြစ်ပါသည်။

မြန်မာ အစိုးရ တရပ် အနေဖြင့် ကုလ သမဂ္ဂခုံကို အသုံးချပြီး မိမိတို့၏ အခြေအနေနှင့် မူဝါဒ သဘော ထားများ ကြေညာခွင့်ကို နှစ်ပေါင်းများစွာ ရရှိခဲ့ပါသည်။ သို့သော်လည်း တိုင်းပြည် ချွတ်ချုံ ကျလာပြီး ပြည်တွင်းစစ် ဆက်ရှိ နေသေးသည်မှာ ထင်ရှားဆဲ ဖြစ်နေသည့် အတွက် ကမ္ဘာ ကလည်း ယုံကြည်မှု နည်းလာခဲ့ခြင်းဖြစ် သည်ဟု ဝေဖန် သူများက ဆိုပါသည်။ ယခုလည်း ပြုပြင် ပြောင်းလဲ နေပါသည်ဟု ဆိုသော်လည်း အခြေအနေမှန်ကို သိနိုင်ရန် လိုအပ် နေဆဲ ဖြစ်ကြောင်း သုံးသပ်သူများက ဆိုပါသည်။

copy rights_http://phophtaw.org/burmese