ငြိမ်းချမ်းရေး နိုဘယ်ဆု စာရင်းမှာ ဒေါ်အောင်ဆန်းစုကြည်ကို ဒုတိယအကြိမ် လျာထား
၁၉၉၁ ခုနှစ်က
ငြိမ်းချမ်းရေး နိုဘယ်ဆုရှင်အဖြစ် ဒေါ်အောင်ဆန်းစုကြည်ကို ရွေးချယ်
ဆုချီးမြင့်ကြောင်း နိုဘယ်ဆု အဖွဲ့၏ အင်တာနက် စာမျက်နှာတွင် ဖော်ပြထားပုံ။
2011-10-06
မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို ၂၀၁၁ ခုနှစ် အတွက်
ငြိမ်းချမ်းရေး နိုဘယ်ဆု ရွေးချယ်ရေး ကော်မတီက နောက်ထပ် ငြိမ်းချမ်းရေး
နိုဘယ်ဆု ချီးမြှင့်ဖို့ လျာထား လိုက်ပါတယ်။
မနက်ဖြန် ကြေညာမယ့် ငြိမ်းချမ်းရေး နိုဘယ်ဆု အတွက် လျာထား ခံရတဲ့သူ ကိုးဦး
စာရင်းကို ဒီကနေ့ ထုတ်ပြန်ရာမှာ ၁၉၉၁ ခုနှစ် ငြိမ်းချမ်းရေး နိုဘယ်ဆုရှင်
ဒေါ်အောင်ဆန်းစုကြည် ကိုပါ ထည့်သွင်း ဖော်ပြထားတာပါ။
ဒီနှစ်အတွက် လျာထား ခံရသူတွေထဲ အာရပ်ကမ္ဘာ လူထုအုံကြွမှုမှာ အရေးပါတဲ့ ကဏ္ဍက
ပါဝင်တဲ့ လူမှုရေး မီဒီယာကနေ ရေးသားတဲ့သူတွေ၊ အမေရိကန် သံရုံးတွေရဲ့
လျှို့ဝှက်ချက်တွေကို ဖွင့်ချ လိုက်တဲ့ WikiLeaks အယ်ဒီတာချုပ် Julian Paul
Assange ၊ ရုရှားနိုင်ငံက Memorial ဆိုတဲ့ လူ့အခွင့် အရေးအဖွဲ့၊ ဘာလင်
တံတိုင်း ဖြိုချိန်က ဂျာမနီဝန်ကြီးချုပ် တာဝန်ယူခဲ့တဲ့ Helmut Kohl စသူတွေ
ပါဝင်ပါတယ်။
နော်ဝေး နိုဘယ်ဆု ရွေးချယ်ရေး ကော်မတီဟာ မနှစ် တုန်းကတော့ တရုတ် အတိုက်အခံ
Lui Xiaobo ကို ငြိမ်းချမ်းရေး နိုဘယ်ဆု ချီးမြှင့်ခဲ့ပြီး ၂၀၀၉
ခုနှစ်တုန်းကတော့ အမေရိကန် သမ္မတ Barack Obama ကို ချီးမြှင့် ခဲ့ပါတယ်။
အဲဒီတုန်းက အာဖဂန်နဲ့ အီရတ်မှာ စစ်တိုက် နေတဲ့ နိုင်ငံက သမ္မတကို
ငြိမ်းချမ်းရေး နိုဘယ်ဆု ချီးမြှင့်တယ်လို့ ဝေဖန်သံတွေ ထွက်ပေါ်ခဲ့ပါတယ်။
အခုတော့ အာရပ်ကမ္ဘာက လူထုအုံကြွမှုမှာ စွမ်းစွမ်းတမံ ပါဝင်သူတွေကို
အမည်စာရင်း တင်နိုင်တဲ့ အတွက်၂၀၁၁ ခုနှစ် အတွက် ငြိမ်းချမ်းရေး နိုဘယ်ဆု
ချီးမြှင့်ဖို့ လျာထား ရမယ့်လူ မရှားပါးဘဲ ကာလ အတော်ကြာကပဲ လျာထား ခံရပေမဲ့
ဆုမရသေးတဲ့ ဂျာမနီ ၀န်ကြီးချုပ်ဟောင်း Helmut Kohl လည်း ပါရှိ ပါတယ်။
မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်ကို ငြိမ်းချမ်းရေး
နိုဘယ်ဆု အတွက် ထပ်ပြီး အမည်စာရင်း တင်တာ မြန်မာ့ နိုင်ငံရေး အပြောင်းအလဲ
ကာလနဲ့ တိုင်ဆိုင် နေတယ်လို့ တချို့က သုံးသပ်ပါတယ်။
Copy from - rfa.org/
No comments:
Post a Comment