ကရင်ပြည်နယ်အတွင်း ဒီကေဘီအေနဲ့ တိုက်ပွဲထပ်ဖြစ်
ဒီကေဘီအေ တပ်သားများ
ကရင်ပြည်နယ် မြသတီမြို့ထဲမှာ ဒီကေဘီအေနဲ့ မြန်မာစစ်အစိုးရတပ်တွေ အင်္ဂါနေ့
ညနေပိုင်းကနေ ဗုဒ္ဒဟူးနေ့ မနက်အထိ တိုက်ပွဲ ဖြစ်နေပါတယ်။ တိုက်ပွဲဖြစ်တာက
မြ၀တီမြို့ အရှေ့တောင်ဖက် ၃ မိုင်လောက်အကွာမှာရှိတဲ့ ကျောက်တောင် ဆိုတဲ့
ရွာအနီးမှာ ဖြစ်ပါတယ်။
တိုက်ပွဲမှာ အစိုးရ စစ်တပ်က တပ်ရင်း ၂၇၅ က အဝေးပစ် မော်တာတွေနဲ့ ပစ်ခတ်တဲ့
အသံကို မြ၀တီကနေတောင် ကြားနေရတယ်လို့ မြို့ခံတွေက ပြောပါတယ်။
အဲဒီကျောက်တောင်ဖက်ကို ဒီကေဘီအေ ကနေပြီးတော့ အယောက် ၂၀ လောက် လာကပ်တယ်တဲ့။
အဲဒီလို သတင်းရတဲ့အခါကျတော့ ၂၇၅ က လိုက်တာ ဒေသခံတဦးက ပြောပါတယ်။
ဆက်တိုက် ရွာနေတဲ့ မိုးထဲလေထဲမှာ ပစ်လိုက် နားလိုက်နဲ့ လုပ်နေကြတယ်လို့
ဒေသခံတွေက ဆိုပါတယ်။ ဒီတိုက်ပွဲမှာ မြန်မာ အစိုးရ စစ်တပ်က ၁၀ ယောက်ထက်မနည်း
ထိခိုက် သေဆုံးတယ်လို့ မြ၀တီ အာဏာပိုင်တွေနဲ့ နီးစပ်တဲ့ ကုန်သည်တွေက
ပြောပါတယ်။ ဒါပေမယ့်လည်း ဘီဘီစီအနေနဲ့ သီးခြား အတည်ပြုနိုင်ခြင်းတော့
မရှိသေးပါဘူး။ ဒီကေဘီအေ ဖက်က အသေအပျောက်ကိုလည်း မသိရသေးပါဘူး။
မြ၀တီမြို့ကို ပြီးခဲ့တဲ့ ဇူလိုင်လ ၇ ရက်နေ့မှာ ဒီကေဘီအေ တွေက
ဝင်တိုက်မယ်ဆိုပြီး သတင်းထွက်နေလို့ မြ၀တီ မြို့တွင်းနဲ့ မြို့ပြင်တွေမှာ
မြန်မာ အစိုးရဖက်က လုံခြုံရေးတွေ တင်းကြပ်ထားတယ်လို့ မြို့ခံတွေက
ပြောပါတယ်။
သတင်းရင်းမြစ် - ဘီဘီစီ
No comments:
Post a Comment