မြန်မာ့ဒီမိုကရေစီအင်အားစုများညီလာခံ(ဖို့ဒ်ဝိန်းမြို့)သို့ပေးပို့သောဒေါ်အောင်ဆန်းစုကြည်၏ နှုတ်ခွန်းဆက်စကား
“ယခုလို ပြောချင်တာကတော့ ကျမရဲ့ ကိုယ်ပိုင် အတွေးအခေါ်လဲဖြစ် ကျမ ပါတီရဲ့ ပေါ်လစီလဲဖြစ် တဲ့အကြောင်းအရာများကို ကျမတတ်နိင်သ၍ ယခုစုဝေးနေတဲ့ မြန်မာပြည်သူပြည်သားများကို ပန်ကြား ချင်ပါတယ်။ ကျမနားလည်မှုအရ ယခုကဲ့သို့ မြန်မာများ စုဝေးရာတွင် ကျမတို့ရဲ့ နိုင်ငံကို စိတ်ဝင်စားတဲ့ မိတ်ဆွေများလည်း တက်ရောက်တယ်လို့ ကျမ နားလည်ပါတယ်။ ယင်းလူများအနေဖြင့် ကျမတို့ နိုင်ငံ ဒီမိုကရေစီနဲ့  လူ့ အခွင့်အရေး ရရှိရေးတို့ အတွက် စိတ်ဝင်စားစွာ ကြိုးစား အားထုတ်နေကြသော သူများပါဝင် တယ်လို့ ကျမသိရပါတယ်။
ကျမ သိရသလောက် ယခု တက်ရောက်လာသော သူများထဲတွင် မိမိနိုင်ငံ ပြင်ပမှာ ယာယီအဖြစ် သို့မဟုတ် အမြဲတမ်း အဖြစ် ပြောင်းရွှေ့ နေထိုင်သူများဖြစ်ပြီး သူတို့အနေနဲ့လဲ မြန်မာနိုင်ငံ ကောင်းစားရေးကို မေတ္တာနဲ့ သစ္စာထား ရှေ့ရှူ နေတယ်လို့လဲ သိရပါတယ်။ ဒါကြောင့်လဲဘဲ ကျမ မေတာရပ်ခံချင်တာက မြန်မာနိုင်ငံအတွက် ရှေ့ဆက်လက်ပြီး ခိုင်မာစွဲ မြဲစွာနဲ့ တာဝန်ယူ ကြိုးစားစေလိုပါတယ်။ ကျမအနေနဲ့  အာရုံ စိုက်ချင်တာ ကတော့ ခိုင်မာစွဲမြဲစွာနဲ့ တာဝန်ယူ လုပ်ကိုင်မှု ဆိုတာကိုဘဲ ဖြစ်ပါတယ်။ ခိုင်မာစွဲမြဲစွာ တာဝန်ယူ လုပ်ကိုင်တယ် ဆိုတာ မိမိ ရည်ရွယ် ကတိပြုထားတာကို အကောင်အထည်ဖေါ် လုပ်ဆောင်ခြင်းဘဲ ဖြစ်ပါတယ်။ ပြီးတော့ စစ်မှန်တဲ့ တာဝန်ယူမှု ဖြစ်ဖို့ဆိုတာ ဘယ်လောက် ခိုင်မာသလဲ ဆိုတာပါဘဲ။
ကျမတို့တတွေမှာ မြန်မာ့ဒီမိုကရေစီအရေးကို ဘ၀နဲ့ ပေးဆပ်ပြီး လုပ်ဆောင်နေကြတဲ့ ပုဂိုလ်တွေ ရှိကြပါတယ်။ ဘာဘဲလုပ်လုပ် သူတို့တတွေရဲ့ လုပ်ဆောင်မှုတွေဟာ မြန်မာ့အရေးနဲ့ ပတ်သက် နေကြပါတယ်။ လူတိုင်းလူတိုင်း မြန်မာ့အရေးကို လုပ်ဆောင်ဖို့ဆိုတာ ကြီးလေးတဲ့ တာဝန်ဆိုပေမယ့် ကျမကတော့ ခိုင်မြဲစွာ တာဝန်ယူ လုပ်ဆောင်ပေးကြဖို့ ကိုဘဲ မေတ္တာ ရပ်ခံချင်ပါတယ်။ အားလုံးက တာဝန်ယူ လုပ်ဆောင်တယ် ဆိုရာမှာ ကွဲပြားတဲ့ အမြင်များ ရှိနေတဲ့ လောကကို လက်ခံပြီး ညီညွတ်ရေးကို မဖြစ်မနေ တွန်းလုပ်ဖို့ လိုနေပါတယ်။
ယခုအချိန်မှာ ကျမတို့ရဲ့ မြန်မာနိုင်ငံသည် အရေးကြီးသော လမ်းဆုံ လမ်းခွသို့ ရောက်နေပြီ ဖြစ်ပါတယ်။ ဒီလို အချိန်မှာ မြန်မာနိုင်ငံဟာ ပွင့်လင်းမှု ရှိလာပြီဆိုတာကို ယုံကြည်နေသူများ ရှိနေသလို၊ ဒီဖြစ်ပေါ်နေတဲ့ အခြေအနေဟာလည်း ပွင်းလင်းမှုနဲ့  မှန်ကန်မှု မရှိသူများရဲ့  လှည့်ဖြားမှု တွေနဲ့  စစ်မှန်တဲ့ လုပ်ရပ် တွေအပေါ် တားဆီး ဖို့ဘဲလို့  ယုံကြည်နေသူ များလည်း ရှိနေပါတယ်။ ဆိုတော့ ကျမတို့ အားလုံးဟာ ဒီလိုအနေအထားတွေကို တာဝန်သိသိ သတိရှိရှိနဲ့ အမှန်တရားကို ကြည့်ရပါ့မယ်။ အမှန်တရားကို မြင်ဖို့ ဆိုတာ ခိုင်မာတဲ့ တာဝန်ယူမှုနဲ့  ညီညွတ်မှု လိုအပ်ပါတယ်။
ဒါတွေမှ မရှိဘူးဆိုရင် ကျမတို့ အားလုံးအတွက် အောင်မြင်ခြင်းဆိုတာ ဝေးသထက် ဝေးသွားမှာ ဖြစ်ပါတယ်။ ညီညွတ်မှု ပိုအားကောင်းလေ အောင်မြင်ခြင်းအတွက် ပိုမြန်ဆန် လေဘဲဖြစ်ပြီး ပန်းတိုင်ကို အမြန်ဆုံး ရောက်ရှိမှာ ဖြစ်ပါတယ်။ ဒါဟာ အသစ်အဆန်းလည်း မဟုတ်ပါဘူး။ နှစ်ပေါင်း များစွာ ကတည်းက လူတွေဟာ ညီညွတ်ခြင်းသည် ခွန်အားဆိုတာ သိခဲ့ နားလည် ခဲ့ကြတာတွေပါ။ အောင်မြင်ခြင်း အားလုံးရဲ့ အခြေခံဟာ ညီညွတ်ခြင်းဘဲ ဖြစ်ပါတယ်။ ဒါ့ကြောင့်လည်းဘဲ ကျမအနေဲ့ ဒီကွဲပြားတဲ့ အမြင်တွေဟာ ရှိနေမှာဖြစ်ပြီး ဒီမိုကရေစီ ရရှိရေး ဆိုတာကတော့ အားလုံးရဲ့  တသားတည်း ရှိတဲ့အမြင်ဘဲ ဖြစ်တယ် ဆိုတဲ့အတွက် ဒီညီညွတ်ရေး ဆိုတာကို တွန်းလုပ်ဖို့ ဆိုတာကိုဘဲ ပြောချင်ပါတယ်။
ဒီညီညွတ်ရေး ဆိုတာကို ရရှိဖို့နဲ့ ညီညွတ်ရေးရဲ့  ခွန်အားကို အသုံးပြုပြီး မြန်မာနိုင်ငံအတွက် စစ်မှန်တဲ့ ဒီမိုကရေစီရရှိဖို့ ဆိုတာကို လုပ်ရင်တော့ နိုင်ငံသား အာလုံးလိုချင် တမ်းတတဲ့ မှန်ကန်တဲ့ ပြောင်းလဲမှုကို လုပ်ပေးခြင်းဘဲ ဖြစ်ပါလိမ့်မယ်။ မှန်ကန်တဲ့ ပြောင်းလဲမှုကို ကျမတို့ အားလုံးက တောင်းဆိုရုံ သက်သက် မဟုတ်ဘဲ တိုးတက်မှု ရှိဖို့လည်း လိုအပ်ပါတယ်။ တိုးတက်မှု မရှိတဲ့ ပြောင်းလဲမှုကတော့ အတု အယောင်သာ ဖြစ်ပြီး ကျမတို့ နိုင်ငံသား အားလုံးအတွက် ဘာမှ အသုံးမတည့်တဲ့ ပြောင်းလဲမှုဘဲ ဖြစ်ပါတယ်။ အခုလို အခမ်းအနားမှာ ကျမတို့နဲ့အတူ ရပ်တည်ပြီး မြန်မာအရေးကို နှစ်ပေါင်းများစွာ ၀ိုင်းဝန်း လုပ်ဆောင်နေကြတဲ့ သူတွေကို ကျေးဇူးတင်ချင်ပါတယ်။
နှစ်ပေါင်းများစွာ ကနေ ဆယ်စုနှစ်တွေ ဖြစ်လာပါပြီ။ သို့သော်လည်း ဒီပုဂိုလ်တွေကတော့ ဇွဲမလျော့စတမ်း လုပ်ဆောင်ရာမှာ ကျမတို့ အားလုံးကလည်း တာဝန်သိသိ တာဝန်ရှိရှိနဲ့ ဆက်လက် လုပ်ဆောင်ဖို့ လိုပါတယ်။ ဒါမှလည်း မြန်မာနိုင်ငံသား အားလုံးက ပျော်ရွှင်စရာကောင်းပြီး ဒီမိုကရေစီ အနှစ်သာရနဲ့ ညီညွတ်မှုရှိတဲ့ အနာဂတ်ကို မြင်ရမှာ ဖြစ်ပါတယ်။ သေးငယ်တဲ့အစ ညီညွတ်မှု ရှိအောင် လုပ်မှသာ ခိုင်မြဲတဲ့ အနာဂတ်အတွက် ပိုမိုကောင်းမွန်မှာပါ။ ကျမအနေနဲ့ ဒီလိုရရှိတဲ့ အခွင့်အရေးမှာ အားလုံးကို ကျေးဇူးတင်ပါတယ်။ အားလုံးကျန်းမာပါစေ။”
No comments:
Post a Comment